چین کے تین منزلہ بار میں آتشزدگی سے 18 افراد ہلاک

Hits: 3

چین کے شہر کنگیان میں واقع ایک بار میں اچانک آگ بھڑک اُٹھی جس کی زد میں آکر 18 افراد ہلاک اور پانچ زخمی ہوگئے۔

بین الاقوامی خبر رساں ایجنسی کے مطابق شمالی چین کے جنوب مشرقی شہر کنگیان میں واقع ایک ریسٹورینٹ میں آتشزدگی کے نتیجے میں 18 افراد جل کر خاکستر ہوگئے جب کے پانچ افراد شدید زخمی ہو گئے ہیں۔ ریسکیو اہلکاروں نے ہلاک اور زخمی ہونے والے افراد کو قریبی اسپتال منتقل کیا جہاں زخمیوں کو طبی امداد دی جارہی ہے جب کے فائر بریگیڈ کا عملہ آگ بجھانے کے بعد کولنگ کے عمل میں مصروف ہے۔

پولیس کا کہنا ہے کہ آگ تین منزلہ عمارت کے گراؤنڈ فلور پر لگی تھی۔ بار میں ریسٹورینٹ کے علاوہ انڈور گیمز بھی تھے جس کے باعث شہریوں کی بڑی تعداد موجود تھی۔ تاحال آگ لگنے کی وجوہات کا تعین نہیں کیا جا سکا ہے البتہ پولیس نے بار سے ایک مشکوک شخص کو گرفتار کیا ہے۔ مقامی انتظامیہ نے واقعے سے متعلق کسی بھی قسم کی معلومات دینے والے شخص کے لیے 31 ہزار 665 ڈالر کے مساوی رقم انعام میں دینے کا اعلان بھی کیا ہے۔

The post چین کے تین منزلہ بار میں آتشزدگی سے 18 افراد ہلاک appeared first on i14 News.

Powered by WPeMatico