Categories : The Latest

چین میں چاقو حملے سے 7 بچے ہلاک، حملہ آور گرفتار

Hits: 0

شمالی چین میں ایک چاقو بردار شخص نے اسکول کے بچوں پر حملہ کرکے 7 بچوں کو موت کے گھاٹ اتار دیا۔

بین الاقوامی میڈیا رپورٹس کے مطابق واقعہ چین کے شمالی صوبے شانزی میں دوپہر کے وقت پیش آیا جہاں چاقو سے مسلح ایک شخص نے اسکول سے گھر جاتے ہوئے بچوں پر حملہ کردیا۔ چاقو بردار شخص نے بچوں پر چاقو کے پے درپے وار کیے جس کے نتیجے میں 7 بچے موقع پر ہی دم توڑ گئے جب کہ 19 زخمی ہیں جنہیں طبی امداد کے لیے اسپتال منتقل کردیا گیا ہے۔

حکام کا کہنا ہے کہ حملہ آور کو گرفتار کرکے نامعلوم مقام پر منتقل کردیا گیا ہے اور جائے وقوع پر امدادی کارروائیاں مکمل کرلی گئی ہیں تاہم حکام نے واقعے کے حوالے مزید تفصیلات جاری نہیں کیں۔

چین میں اسکول کے بچوں پر حملے ماضی میں بھی ہوتے رہے ہیں تاہم تازہ واقعہ حالیہ برسوں میں بچوں پر ہونے والا سب سے خونریز حملہ ہے۔گزشتہ سال جنوری میں ایک شخص نے چھری کے وار کرکے اسکول کے 11 بچوں کو زخمی کردیا تھا جب کہ فروری 2016ء میں بھی اسی طرح کہ ایک حملے میں 10 بچے زخمی ہوگئے تھے۔

The post چین میں چاقو حملے سے 7 بچے ہلاک، حملہ آور گرفتار appeared first on i14 News.

Powered by WPeMatico

ہزاروں فلسطینیوں کے اسرائیل مخالف مظاہرے، فائرنگ سے 1 شہید اور 200 زخمی

Hits: 0

غزہ سرحد پر ہزاروں فلسطینی شہریوں نے مسلسل پانچویں جمعے اسرائیل کے خلاف مظاہرے کیے جس میں صہیونی فورسز کی فائرنگ سے ایک فلسطینی شہید اور 200 سے زائد زخمی ہو گئے۔

مورچہ بند اسرائیلی فوج کی جانب سے فلسطینی مظاہرین پر چلائی گئی گولیوں کے باعث ایک فلسطینی شہید اور 200 سے زائد زخمی ہو گئے۔ زخمیوں میں ایک فلسطینی صحافی بھی شامل ہے۔

غزہ پٹی کے محکمہ صحت کے مطابق احتجاج کے اس سلسلے میں شہادتوں کی تعداد 42 تک پہنچ گئی ہے۔ اسرائیلی فوج نے آنسو گیس کا بھی بے دریغ استعمال کیا۔ ہر جمعے کو اسرائیلی سرحد پر احتجاج کرنے کا سلسلہ فلسطینیوں نے30 مارچ سے شروع کر رکھا ہے۔ فلسطینی شہری اپنی زمین پر اسرائیل کے قبضے کے خلاف مظاہرے کررہے ہیں۔

The post ہزاروں فلسطینیوں کے اسرائیل مخالف مظاہرے، فائرنگ سے 1 شہید اور 200 زخمی appeared first on i14 News.

Powered by WPeMatico

کینیڈا بھی چربہ سازی کی امریکی ترجیحی واچ لسٹ میں شامل

Hits: 0

امریکا نے چین اور بھارت کے ساتھ اپنے اہم تجارتی شراکت دار کینیڈا کوبھی چربہ سازی میں سرفہرست قراردے دیا۔

حقوق ملکیت دانش کی خلاف ورزی کرنے والے ملکوں کی سالانہ رپورٹ میں امریکی تجارتی نمائندے نے کینیڈا کو ترجیجی واچ لسٹ میں شامل کرلیا ہے جس کی وجہ سے اب اسے مزید سخت جانچ پڑتال سے گزرنا ہوگا، چین اور بھارت گزشتہ 14 سال سے اس لسٹ میں شامل ہیں۔

یوایس ٹی آر کا کہنا ہے کہ مذکورہ ملکوں میں سے کسی نے بھی پیٹنٹ اور ٹریڈمارک پروڈکٹس کو تحفظ فراہم کرنے کے لیے مناسب اقدامات نہیں کیے۔
امریکی تجارتی نمائندے رابرٹ لائٹہیزر نے اپنے بیان میں کہاکہ امریکی انٹرپرینیورز کے آئیڈیاز اور تخلیق اقتصادی ترقی کو فروغ دیتے ہیں اور لاکھوں محنتی امریکیوں کو ملازمتوں پر رکھتے ہیں۔

اس رپورٹ سے ہماری تجارتی شراکت داروں کو واضح پیغام دیاگیا ہے کہ امریکی حقوق ملکیت دانش کا تحفظ ٹرمپ انتظامیہ کی ترجیح ہے۔ پرائیرٹی واچ لسٹ میں 12 ملک شامل ہیں جبکہ اس سے کم اہمیت کی واچ لسٹ میں 24 ملک شامل ہیں، کولمبیا، ارجنٹائن اور چلی کے ساتھ ترجیحی اور میکسیکو کو واچ لسٹ میں شامل کیاگیا ہے۔

یوایس ٹی آر کے مطابق آئی پی کے حوالے سے حساس امریکی صنعتیں مجموعی طور پر 45.5 ملین امریکیوں کو ملازمتیں فراہم کرتی ہیں اور جی ڈی پی کا 30 فیصد ہونے کے ساتھ امریکی برآمدات میں 50 فیصد سے زیادہ حصے کی حامل ہیں۔

The post کینیڈا بھی چربہ سازی کی امریکی ترجیحی واچ لسٹ میں شامل appeared first on i14 News.

Powered by WPeMatico

بھارت میں مسجد کی تعمیر میں سکھ اور ہندو مددگار

Hits: 0

بھارت کے مذہبی گروہوں میں اکثر جھگڑے ہوتے ہیں اور حالیہ برسوں میں تشدد کے کئی وقعات پیش آ چکے ہیں لیکن یہیں ایک گاؤں ایسا بھی ہے جہاں اس معاملے میں بھائی چارے کا انوکھا مظاہرہ کیا گیا ہے۔

پنجاب کے ایک گاؤں میں شیوا مندر کی تعمیر کے دوران مستری ناظم راجہ کو ایک خیال ستاتا رہا کہ وہ ایک مسلمان ہے اور ایک ہندو مندر تعمیر کر رہا ہے لیکن پھر بھی قریب میں کوئی مسجد نہیں جہاں وہ اپنی عبادت کر سکے۔ انھوں نے موم نامی گاؤں کے 400 مسلمانوں سے اس بارے میں بات کی لیکن وہ اتنے غریب تھے کہ زمین نہیں خرید سکتے تھے۔ جس کے بعد مندر کی انتظامیہ نے مندر کے ساتھ ہی واقع 900 مربع فٹ زمین کا ٹکڑا انھیں دینے کا فیصلہ کیا۔

2 ماہ سے راجا اور چند دیگر کاریگر اور مزدور خوشی سے ایسی جگہ تعمیر کر رہے ہیں جہاں مسلمان عبادت کر سکیں۔ سکھ برادری جن کے گوردوارے کی دیوار اس مسجد کے ساتھ جڑی ہوئی ہے اس کی تعمیر کے لیے فنڈز میں حصہ ڈال رہی ہے۔ یہ تین مذاہب کے درمیان ایک مثال ہے اور وہ بھی ایسے علاقے میں جہاں اقلیتیں اکثر حقوق نہ ملنے کی شکایت کرتی دکھائی دیتی ہیں۔

The post بھارت میں مسجد کی تعمیر میں سکھ اور ہندو مددگار appeared first on i14 News.

Powered by WPeMatico

مقبوضہ کشمیر میں بھارتی فوج کی فائرنگ سے 3 کشمیری شہید

Hits: 0

بھارتی فوج نے مقبوضہ کشمیر کے ضلع کپواڑہ میں فائرنگ کر کے 3 کشمیریوں کو شہید کر دیا۔

کشمیر میڈیا سیل کے مطابق مقبوضہ کشمیر کے ضلع کپواڑہ کے علاقے کیران میں قابض بھارتی فوج نے سرچ آپریشن کے نام پر گھر گھر تلاشی کے دوران فائرنگ کر کے تین کشمیریوں کو شہید کردیا۔ کشمیری نوجوانوں کی شہادت کے بعد بھارتی حکام نے مزید نفری کو طلب کرلیا اور اس دوران خواتین اور بچوں کو بھی تشدد کا نشانہ بنایا گیا۔

سرچ آپریشن کے نام پر کشمیری نوجوانوں کے قتل عام پر پلوانہ، کپواڑہ، ترال اور شوپیئن سمیت کشمیر کے کئی اضلاع میں ہڑتال کی گئی۔ ہڑتال کے باعث ان اضلاع میں تعلیمی سرگرمیاں معطل رہیں اور تجارتی مراکز بند رہے جب کہ قابض بھارتی فوج نے تلاشی کے نام پر تمام بڑی سڑکوں کو بلاک کر دیا۔ سری نگر میں نماز جمعہ کے بعد حریت پسند جماعتوں کی جانب سے احتجاج مظاہرے بھی کیے گئے اور ضلع کپواڑہ میں کشمیری نوجوانوں کے قتل کی مذمت کی گئی۔
دوسری جانب سری نگر کے علاقے گوری پورہ میں بھارتی پولیس کی 13 ویں بٹالین کی چوکی پر حملے میں بھارتی اہل کاروں کے زخمی ہونے کی اطلاع ہے جب کہ حملہ آور بھارتی پولیس کے اہل کاروں سے اسلحہ چھین کر فرار ہو گئے۔

The post مقبوضہ کشمیر میں بھارتی فوج کی فائرنگ سے 3 کشمیری شہید appeared first on i14 News.

Powered by WPeMatico

ہندو برادری کے 14 افراد نے اسلام قبول کر لیا

Hits: 0

ہندو برادری کے 4 خاندانوں کے 14افراد نے اسلام قبول کر لیا۔

ہندو برادری کے 14 افراد نے بلوچستان کے دھوریجی علاقے میں سابق نگراں وزیراعلیٰ بلوچستان صالح محمد بھوتانی کے فرزند عرفان صالح بھوتانی کی موجودگی میں قبول اسلام کر لیا۔ جن میں گوپال، منیش کمار، پرکاش، لیلا رام، سریش کمار، موہن داس، روپچند و دیگر شامل ہیں، تقریب میں علاقے کے معززین ، مولوی محمد عمر، عطا اللہ، وحید سکندر چھٹو، ماستر محمد اسماعیل، محمد علی چھٹو، حاجی محمد حنیف بکک، غلام علی چھٹو، منور علی، غلام رسول شیخ ودیگر نے شرکت کی۔

اس موقع پر اسلام قبول کرنے والے غلام دستگیر ودیگر نے کہا کہ ہم بھوتانی خاندان کے شکر گزار ہیں جنھوں نے ہمیں مسلمان کرکے بڑی عزت بخشی ہے، اللہ اور اس کے رسولؐ پر ایمان لاتے ہیں ، اس موقع پر سردار عرفان بھوتانی نے مسلمان ہونے والوں کو مبارکباد دی۔

The post ہندو برادری کے 14 افراد نے اسلام قبول کر لیا appeared first on i14 News.

Powered by WPeMatico

امریکہ، شام و عراق کے دہشت گردوں کو افغانستان منتقل کرنے کے درپے، ایران

Hits: 0

اسلامی جمہوریہ ایران نے ایشیائی ممالک پر زور دیا ہے کہ وہ دہشت گردی کے خلاف جنگ میں حصہ لیں اور موثر کردار ادا کریں۔

اسلامی جمہوریہ ایران کی اعلی قومی سلامتی کونسل کے سیکریٹری ایڈمیرل علی شمخانی نے روس کے شہر سوچی میں منعقدہ نویں بین الاقوامی سیکورٹی کانفرنس کے موقع پرارنا سے گفتگو کرتے ہوئے کہا کہ امریکہ، شام اور عراق میں موجود دہشت گردوں کو افغانستان میں منتقل کرنا چاہتا ہے لہذا ہمارا مطالبہ ہے کہ ایشیائی ممالک دہشت گردی کے خلاف جاری جنگ میں حصہ لیں تاکہ اس عمل کو موثر انداز میں آگے تک لے جایا جائے۔

ایڈمیرل علی شمخانی نے کہا کہ اس اجلاس میں ایران کے موقف کو پذیرائی ملی اور دہشتگردی کے سد باب، جوہری معاہدے اور علاقے کو نا امن کرنے کے لئے اغیار کی سازشوں اور ناپاک عزائم پر گفتگو ہوئی۔

یہ بات قابل ذکر ہے کہ سوچی میں ہونے والی نویں عالمی سیکورٹی کانفرنس کے موقع پر اسلامی جمہوریہ ایران، پاکستان اور روس کے قومی سلامتی مشیروں نے ایک مشترکہ نشست میں ایشیائی ممالک کی سیکورٹی کانفرنس بلانے پر اتفاق کیا۔

ایڈمیرل علی شمخانی، پاکستان کے مشیر قومی سلامتی لیفٹیننٹ جنرل (ر) ناصر خان جنجوعہ اور روس کی قومی سلامتی کونسل کے سیکرٹری نکولائی پیٹروشیف نے اس مشترکہ نشست میں ایشیائی ممالک کی سیکورٹی کانفرنس بلانے کے طریقہ کار اور ایجنڈے پر تبادلہ خیال کیا۔

The post امریکہ، شام و عراق کے دہشت گردوں کو افغانستان منتقل کرنے کے درپے، ایران appeared first on i14 News.

Powered by WPeMatico

صالح الصماد کی شہادت کے بعد مہدی المشاط کو اس کونسل کا نیا چیئرمین منتخب کر لیا گیا

Hits: 0

انھوں نے منتخب ہونے کے بعد ایک بیان میں جارح سعودی عرب کے لئے امریکہ کی حمایت کی طرف اشارہ کرتے ہوئے یمن مخالف اتحاد کو سخت انتباہ دیا ہے۔

المسیرہ ٹی وی کی رپورٹ کے مطابق مہدی المشاط نے بدھ کے روز یمنی پارلیمنٹ کے اراکین کے سامنے حلف اٹھاتے ہوئے کہا کہ شہید الصماد کا خون المشاط اور یمنی قوم کے ہر فرد کا خون ہے۔

انھوں نے یمن پر سعودی اتحاد کے حملے کو غیرقانونی اور ایک آزاد ملک پر جارحیت قرار دیتے ہوئے کہا ہے کہ امریکی حمایت و نگرانی میں جس قسم کے وحشیانہ جرائم انجام پا رہے ہیں وہ جارحانہ مقاصد و ماہیت کا بیّن ثبوت ہیں۔

مہدی المشاط نے اسی طرح یمنی عوام کے درمیان ہمدلی و یکجہتی پر تاکید کرتے ہوئے کہا کہ یمن میں حکومت بنانے کے لئے صالح الصماد کا منصوبہ یمن کی حمایت و تعمیراتی منصوبہ رہا ہے جس پر آئندہ بھی کام جاری رہے گا۔

یمن کی اعلی سیاسی کونسل کے چیئرمین صالح الصماد انّیس اپریل کو مغربی یمن کے صوبے الحدیدہ میں سعودی اتحاد کے وحشیانہ حملے میں شہید ہو گئے تھے۔

دریں اثنا یمنی فوج اور عوامی رضاکار فورس نے اعلان کیا ہے کہ سعودی اتحاد کی جارحیت کے جواب میں جنوبی سعودی عرب میں واقع نجران کے علاقے میں سعودی فوجی ٹھکانوں پر زلزال دو قسم کے بلیسٹک میزائل سے نشانہ بنایا۔

اس سے قبل یمنی فوج کے ترجمان شرف لقمان نے تاکید کے ساتھ کہا تھا کہ جب تک یمن کا محاصرہ جاری ہے دشمنوں کے فوجی اور اقتصادی مراکز یمنی فوج کے میزائلوں کے نشانے پر رہیں گے۔

قابل ذکر ہے کہ سعودی عرب کی جانب سے یمن کے مکمل محاصرے کے باوجود یمنی فوج کی دفاعی توانائی میں مسلسل اضافہ ہو رہا ہے۔

The post صالح الصماد کی شہادت کے بعد مہدی المشاط کو اس کونسل کا نیا چیئرمین منتخب کر لیا گیا appeared first on i14 News.

Powered by WPeMatico

صالح صماد کو امریکہ نے شہید کیا ہے، انصاراللہ

Hits: 0

یمن کی عوامی تحریک انصار اللہ کے ایک اعلی عہدیدار نے کہا ہے کہ اعلی سیاسی کونسل کے سابق سربراہ کو امریکی انٹیلی جینس کے تعاون سے شہید کیا گیا ہے۔

انصاراللہ کے عہدیدار نے اپنا نام ظاہر نہ کرنے کی شرط پر بتایا ہے کہ سعودی عرب اور متحدہ عرب امارات کے پاس ایسی ڈرون ٹیکنالوجی نہیں ہے کہ جس کے ذریعے چلتی گاڑی کو نشانہ بنایا جاسکتا ہو۔
مذکورہ عہدیدار نے کہا کہ صالح الصماد نے اپنی شہادت سے پہلے بتا دیا تھا کہ امریکہ نے مغربی یمن کے ساحلی صوبے الحدیدہ پر سعودی حملوں سے اتفاق کر لیا ہے۔
اس سے پہلے انصار اللہ کے سربراہ عبدالملک بدرالدین الحوثی نے امریکہ کو اعلی سیاسی کونسل کے سربراہ صالح الصماد کے قتل کا ذمہ دار قرار

The post صالح صماد کو امریکہ نے شہید کیا ہے، انصاراللہ appeared first on i14 News.

Powered by WPeMatico

بحران شام کا فوجی حل نہیں، امریکہ نے اعتراف کر لیا

Hits: 0

امریکی وزیر جنگ نے شام پر فوجی جارحیت کے بعد اعتراف کیا ہے کہ شام کے تنازعے کو صرف سیاسی طریقے سے ہی حل کیا جا سکتا ہے۔

رشا ٹوڈے کے مطابق امریکی وزیر جنگ جیمز میٹس کا کہنا ہے کہ شام میں جاری جھڑپوں کو فوجی طریقے سے ختم نہیں کیا جاسکتا اور واشنگٹن بحران شام کی سفارتی کوششوں کا خیر مقدم کرتا ہے۔
انہون نے دعوی کیا کہ شام میں امریکی فوجیوں کے قیام کا واحد مقصد داعش کے مسلح افراد کو شکست دینا ہے۔
امریکی وزیر جنگ نے ایک بار پھر اپنے ملک کے اس فرسودہ موقف کا اعادہ کیا کہ شام پر چودہ اپریل کو کیا جانے والا حملہ دوما شہر میں کیمائی حملوں کے خلاف ایک ردعمل تھا اور اس حملے کا مقصد شام میں جھڑپوں کو تیز کرنا نہیں تھا۔

The post بحران شام کا فوجی حل نہیں، امریکہ نے اعتراف کر لیا appeared first on i14 News.

Powered by WPeMatico