Categories : The Latest

فنانس بل 2018 ایکٹ بن گیا، 7 ہزارسے زائد اشیاء مہنگی ہوگئیں

فنانس بل ایکٹ بننے کے بعد 7 ہزاراشیاء پرکسٹم ڈیوٹی کا اطلاق آج سے کردیا گیا۔

فنانس بل 2018 ایکٹ بننے کے بعد آج سے 7 ہزار اشیاء پر کسٹم ڈیوٹی کا اطلاق ہوگیا۔ بل کے مطابق لیدر، ٹیکسٹائل، اسٹیل مصنوعات گارمنٹس سمیت 7 ہزار سے زائد درآمدی اشیاء مہنگی ہوں گی جب کہ کسٹمز ڈیوٹی کی مد میں 6 ارب 19 کروڑ پچاس لاکھ روپے کا ریلیف اورکسٹمزڈیوٹی میں ردوبدل سے ایف بی آرکو22 ارب 77 کروڑ 50 لاکھ کااضافی ریونیو ملے گا۔

دوسری جانب یکم جولائی سے لنڈے کے کپڑے، الیکڑک گاڑیاں، موبائل فون، بچوں کی کتابیں، کاپیاں، اسٹیشنری کا سامان، ڈیری، آلو، ڈبے والا دودھ، کھاد، پولٹری، وٹامن بی بارہ، وٹامن ایچ ٹو، ایل ای ڈی پارٹس، ایل ای ڈی بلب، ایل ای ڈی ٹیوب، انرجی سیونگ سمیت دیگرمصنوعات یکم جولائی سے سستی ہوں گی۔

انکم اورسیلزٹیکس سے متعلق ترامیم اورردوبدل کا اطلاق یکم جولائی سے ہوگا اوراینٹی منی لانڈرنگ اورسی ایف ٹی قواعدوضوابط میں بھی ترمیم کردی گئی۔

The post فنانس بل 2018 ایکٹ بن گیا، 7 ہزارسے زائد اشیاء مہنگی ہوگئیں appeared first on i14 News.

Powered by WPeMatico

بازوؤں کو سمیٹنے والے نئے طیارے کو پرواز کا پروانہ مل گیا

بوئنگ کمپنی کے نئے مسافر بردار طیارے کو پرواز کے لیے اجازت نامہ دیدیا گیا ہے۔ اس طیارے کی خاص بات یہ ہے کہ یہ لینڈنگ کے وقت اپنے بازو سکیڑ لیتا ہے۔

بوئنگ 777 ایکس کے بازو (وِنگز) کا گھیر 235 فٹ ہے لیکن اس چوڑائی میں وہ ایئرپورٹ کے روایتی گیٹ سے نہیں جڑ سکتا۔ اسی وجہ سے لینڈنگ کے بعد اس کے بازو سکڑ کر 212 فٹ تک کیے جاسکتے ہیں۔

بوئنگ کمپنی کے مطابق 18 مئی کو اس طیارے کے نئے ڈیزائن کے استعمال کی منظوری دیدی گئی ہے اور فیڈرل ایوی ایشن اتھارٹی (ایف اے اے) نے ایک رپورٹ میں طیارے کی خصوصی ڈیزائن سے وابستہ پرواز کے اجازت نامے کی درخواست کی ہے کیونکہ اپنے بازوؤں کی طوالت کی وجہ سے ایئرپورٹ کے روایتی گیٹس سے جڑنہیں سکتا اور اس کے لیے طیارہ ازخود اپنے بازو سکیڑسکتا ہے۔

تاہم بوئنگ کو اپنے نئے طیارے کے بازو مزید پھیلانے کی ضرورت اس لیے پیش آئی کہ کاربن فائبر سے بنے یہ بازو طیارے کا ایندھن بچانے میں اہم کردار ادا کریں گے کیونکہ اس سے پرواز کے دوران ہوا کی مزاحمت (ڈریگ) کم کرنے میں مدد ملے گی۔

لینڈنگ اور گیٹ پر آتے ہوئے بوئنگ 777 ایکس کے بازو سکڑ جائیں گے جس کےلیے بازو کا یہ نظام انتہائی پیچیدہ بنایا گیا ہے اور اس کے بند ہونے والے حصے میں کوئی ایندھن نہیں ہوگا۔ واضح رہے کہ اکثر مسافر بردار طیاروں کے بازوؤں میں ایندھن بھی بھرا جاتا ہے۔

فوجی طیاروں میں بازو سکیڑنے کی ٹیکنالوجی ایک عرصے سے استعمال ہورہی ہے لیکن پہلی مرتبہ اسے مسافر بردار طیاروں کے لیے استعمال کیا گیا ہے۔ بوئنگ نے اعلان کیا ہے کہ 2020 میں اس طرح کا پہلا طیارہ مسافروں کو لے کر اپنی پہلی اڑان بھرے گا۔

The post بازوؤں کو سمیٹنے والے نئے طیارے کو پرواز کا پروانہ مل گیا appeared first on i14 News.

Powered by WPeMatico

باربی کیو کا دھواں بھی کینسر کی وجہ بن سکتا ہے

گِرلنگ اور باربی کیو سے بنے مزیدار پکوان کسے پسند نہیں ہوتے لیکن ان کا دھواں اور اس سے خارج ہونے والے مضر ذرات جلد کے راستے سرطان سمیت کئی اہم امراض کی وجہ بن سکتے ہیں۔

انوائرونمینٹل سائنس اینڈ ٹیکنالوجی نامی جریدے میں شائع ایک رپورٹ میں کہا گیا ہے کہ جلد کے راستے (پاتھ ویز) سے گزر کر باربی کیو کے ذرات سانس کے مقابلے میں زیادہ نقصان دہ ثابت ہوسکتے ہیں اور بسا اوقات یہ کسی کپڑے سے بھی نہیں رکتے۔ یہ تحقیق امریکن کیمیکل سوسائٹی کے اجلاس میں بھی پیش کی گئی ہے اور اسے چین کی جینان یونیورسٹی کے ماہرین نے انجام دیا ہے۔

یہ رپورٹ امریکی تناظر میں کی گئی ہے جہاں ہر گھر میں باربی کیو کےلیے گِرل اور اسموکر موجود ہوتا ہے اور 70 فیصد امریکی گوشت باربی کیو کرکے کھاتے ہیں جب کہ ان میں 50 فیصد سے زائد گھرانے مہینے میں چار مرتبہ باربی کیو سے کھانا پکاتے ہیں۔ اس عمل میں مضرِ صحت ذرات پولی سائیکلک ایئرومیٹک ہائیڈرو کاربنز (پی اے ایچ) پیدا ہوتے ہیں۔

اس دوران باربی کیو کے پاس کھڑے ہونے والے افراد بھی پی اے ایچ کے شکار بنتے ہیں کیونکہ اس عمل میں ان کی بڑی مقدار پیدا ہوتی ہے جو سرطان کی وجہ بن سکتے ہیں۔ پریشان کن امر یہ ہے کہ سانس اور جلد، دونوں کے ذریعے ہی یہ انسانی جلد میں نفوذ کرسکتے ہیں۔

سروے کےلیے ماہرین نے رضاکاروں کو کئی گروہوں میں تقسیم کیا اور ان کو باربی کیو عمل اور دھویں سے مختلف فاصلوں پر رکھا۔ اس کے بعد ان کے پیشاب کے نمونے لیے گئے تو باربی کیو کھانے والوں میں پی اے ایچ کی زائد مقدار نوٹ کی گئی۔ اس کے بعد دوسرے مرحلے پر وہ لوگ تھے جن کی جلد کے ذریعے ذرات گئے ان میں پی اے ایچ کی دوسری بڑی مقدار نوٹ کی گئی۔

جن افراد نے باربی کیو کے دوران مکمل لباس کے ذریعے خود کو ڈھانپ رکھا تھا ایک موقعے پر ان افراد کا لباس بھی پی اے ایچ سے اٹااٹ بھرگیا اور اس کے بعد وہ ذرات جلد تک پہنچنے لگے۔ ماہرین کا خیال ہے کہ سیخ بوٹی اور چکن تکہ بنانے کے عمل میں استعمال ہونے والا تیل جلد سے چپک جاتا ہے اور اس کے باریک قطروں میں موجود پی اے ایچ جلد کے اندر نفوذ کرنے لگتے ہیں۔

اس لیے ماہرین نے ابتدائی طور پر باربی کیو عمل اور پی اے ایچ کے درمیان ایک تعلق واضح کیا ہے تاہم اگلے مرحلے میں یہ دیکھنے کی ضرورت ہے کہ آیا یہ واقعی کسی بیماری کی وجہ بن بھی رہا ہے یا نہیں، اس ضمن میں مزید تحقیق کی ضرورت ہے۔ سائنسدانوں نے اس عمل کے دوران ہر ممکن احتیاط کی تجویز دی ہے۔

The post باربی کیو کا دھواں بھی کینسر کی وجہ بن سکتا ہے appeared first on i14 News.

Powered by WPeMatico

دونوں پیر گنوانے کے باوجود ایورسٹ سر کرنیوالا 69 سالہ کوہ پیما

چین کے 69 سالہ کوہ پیما نے فراسٹ بائٹ میں اپنے دونوں پیر گنوانے کے بعد پانچویں کوشش میں دنیا کی سب سے اونچی چوٹی ماؤنٹ ایورسٹ سر کرلی ہے۔

چینی کوہ پیما ژیا بویو نے عزم و ہمت کی نئی مثال قائم کردی۔ انہوں نے آج سے 40 برس قبل ماؤنٹ ایورسٹ سر کرنے کی کوشش کی تھی جس میں ان کے دونوں پیر برف میں دھنسنے کے باعث ناکارہ ہوگئے تھے اور ڈاکٹروں کو ان کے دونوں پاؤں کاٹنے پڑے تھے۔ اس کے باوجود بویو کا ایورسٹ سر کرنے کا جنون ختم نہ ہوا اور انہیں پانچویں کوشش میں کامیابی ملی۔ اس طرح وہ 69 سال کی عمر میں دونوں پاؤں سے محروم ایورسٹ عبور کرنے والے پہلے کوہ پیما بن گئے۔

دلچسپ بات یہ ہے کہ 1975 میں ژیا بویو ایورسٹ کی چوٹی سے صرف 250 میٹر دوررہ گئے تھے کہ موسم خراب ہوگیا جس کی بہتری میں دو دن اور تین راتیں لگ گئیں لیکن اس مشکل صورتحال میں پھنسنے اور اپنی جان جوکھم میں ڈالنے کی بجائے کوہ پیماؤں نے واپس اترنے کا فیصلہ کیا۔ نیچے آتے ہوئے ژیا بویو نے اپنا سلیپنگ بیگ ایک ایسے دوست کو دیدیا جس کا بیگ پھٹ چکا تھا۔ اس بے غرض عمل کی وجہ سے ان کے دونوں پیر برف میں جم گئے جنہیں مجبوراً کاٹنا پڑا۔

اس کے بعد 1996 میں ژیا کو لمفوما کا مرض لاحق ہوگیا جو ایک طرح کا بلڈ کینسر کہلاتا ہے۔ اس بار دوسری مرتبہ ان کا پاؤں کاٹا گیا لیکن اس بار گھٹنے سے اوپر تک کاٹنے کی نوبت پیش آئی۔ یہ ژیابویو جیسے کوہ پیما کےلیے ایک مشکل مرحلہ تھا لیکن انہوں نے ہمت نہ ہاری اور دوبارہ اپنی ہمت جمع کی۔

اپنے دونوں پاؤں گنوانے کے 20 سال بعد انہوں نے دوبارہ ٹریننگ شروع کردی اور 2014 میں انہوں نے ایک بار پھر ماؤنٹ ایورسٹ کا رخ کیا لیکن موسم کی خرابی کے باعث واپس لوٹنا پڑا۔ اس کے بعد 2016 میں وہ دوبارہ ایورسٹ گئے اور وہاں سے 100 میٹر بلندی پر چوٹی رہ گئی تھی کہ برفانی طوفان نے انہیں پیچھے دھکیل دیا اور بویو کو واپس زمین پر آنا پڑا۔

The post دونوں پیر گنوانے کے باوجود ایورسٹ سر کرنیوالا 69 سالہ کوہ پیما appeared first on i14 News.

Powered by WPeMatico

جواہر روبل دنیا کی پہلی مسلمان خاتون فٹبال ریفری بن گئیں

صومالیہ نژاد برطانوی خاتون جواہر روبل فٹ بال میچ میں ریفری کے فرائض انجام دینے والی پہلی مسلم خاتون بن گئی ہیں۔

غیر ملکی خبررساں ادارے کے مطابق صومالیہ سے والدین کے ہمراہ ہجرت کر کے برطانیہ میں سکونت حاصل کرنے والی 24 سالہ جواہر روبل نے ایک بڑے فٹ بال میچ میں ریفری کے فرائض انجام دے کر دنیا کی پہلی مسلم خاتون ریفری بننے کا اعزاز حاصل کرلیا۔ وہ برطانیہ کی فٹ بال ایسوسی ایشن کی ایک تربیت یافتہ ریفری ہیں اور پہلی کامیابی کے بعد اب وہ چیمپئنز لیگ کے مقابلوں میں ریفری بننے کے خواب دیکھ رہی ہیں۔

برطانوی اخبار سے بات کرتے ہوئے پہلی مسلم خاتون ریفری کا کہنا تھا کہ پہلے پہل کافی مشکلات کا سامنا رہا کیوں کہ اسٹیڈیم میں بعض کھلاڑی مذاق بھی اُڑاتے تھے اور حوصلہ شکنی کرتے لیکن جب آہستہ آہستہ میں نے اپنی حیثیت اور مقام منوالیا اور آج کھیل کے میدان میں موجود کھلاڑی اور شائقین نہ صرف خوش آمدید کہتے ہیں بلکہ حوصلہ افزائی بھی کرتے ہیں۔

The post جواہر روبل دنیا کی پہلی مسلمان خاتون فٹبال ریفری بن گئیں appeared first on i14 News.

Powered by WPeMatico

آئی سی سی کرکٹ کمیٹی میں 3 نئے چہرے شامل

اہم ترین اجلاس سے قبل آئی سی سی کرکٹ کمیٹی میں ردوبدل ہوگیا جب کہ تین نئے ممبران 28 اور 29 مئی کی میٹنگ میں شریک ہوں گے۔

آسٹریلیا کی سابق ویمن کپتان بیلینڈا کلارک، نیوزی لینڈ کے کوچ مائیک ہیسن اور اسکاٹ لینڈ کے کپتان کائیل کوئیٹزر کو آئی سی سی کرکٹ کمیٹی میں تین برس کیلیے شامل کیا گیا ہے، کمیٹی کا اہم ترین اجلاس ممبئی میں 28 اور 29 مئی کو منعقد ہوگا جس میں کئی دوسرے ایشوز کے ساتھ 2019 سے شروع ہونے والی ٹیسٹ چیمپئن شپ کی پلیئنگ کنڈیشنز، ٹاس کی روایت ختم کرنے اور ڈے اینڈ نائٹ ٹیسٹ کے حوالے سے غور ہوگا۔

بیلینڈا کمیٹی میں کلیری کورنر کی جگہ لیں گے جن کی تین برس کی مدت پوری ہوچکی ہے، ہیسن، ڈیرن لی مین کی جگہ کمیٹی میں شامل ہوں گے جوکہ آسٹریلوی کوچ کے عہدے سے مستعفی ہونے کے بعد اب اس پوسٹ کے اہل نہیں رہے۔

اسی طرح آئرلینڈ کے فل ممبر بن جانے کی وجہ سے کیون اوبرائن بھی ایسوسی ایٹ ممبران کی نمائندگی کے اہل نہیں رہے، ان کی جگہ اسکاٹ لینڈ کے کوئیٹزر لیں گے۔ آئی سی سی کرکٹ کمیٹی میں کوئی بھی پاکستانی شامل نہیں جبکہ اس کے چیئرمین بھارت کے سابق کپتان انیل کمبلے ہیں۔

آئی سی سی کے چیئرمین شیشانک منوہر اور چیف ایگزیکٹیو ڈیورچرڈسن بھی اس کا حصہ ہیں، سابق کھلاڑیوں کی نمائندگی اینڈریو اسٹروس اور مہیلا جے وردنے کررہے ہیں، موجودہ پلیئرز کے نمائندے ٹم مے اور راہول ڈریوڈ ہیں۔ فل ممبرز ٹیموں کے کوچز کے نمائندے مائیک ہیسن ہیں، ایسوسی ایٹس ٹیموں کی نمائندگی اب سے کائیکل کوئیٹزر کرینگے۔

خواتین کرکٹ کی نمائندگی کیلیے بیلینڈا کلارک کا انتخاب ہوچکا ہے۔ فل ممبران کے نمائندے نیوزی لینڈ کرکٹ کے چیف ایگزیکٹیو ڈیوڈ وائٹ ہیں، میڈیا کی نمائندگی کمیٹی میں شان پولاک کے سپرد ہے، امپائرز نمائندے رچرڈ کیٹل برو، ریفری نمائندے راجن مدوگالے اور ایم سی سی کے نمائندے اس کے کرکٹ ہیڈ جان اسٹیفن سن ہیں۔

The post آئی سی سی کرکٹ کمیٹی میں 3 نئے چہرے شامل appeared first on i14 News.

Powered by WPeMatico

پاکستان یادگار کارکردگی دہرانے کیلیے بے قرار، لارڈز ٹیسٹ کا آغاز آج ہوگا

پاکستان لارڈز میں گزشتہ ٹیسٹ کی یادگار کارکردگی دہرانے کیلیے بے قرار ہے، سیریز کے پہلے ٹیسٹ کا آغاز آج ہوگا۔

پاکستان نے 2016میں سیریز کا آغاز لارڈز ٹیسٹ کرتے ہوئے میزبان انگلینڈ پردھاک بٹھائی تھی،اس میچ کی فتح میں مصباح الحق کی سنچری اور یاسر شاہ کی 10وکٹوں نے اہم کردار ادا کیا تھا، پاکستانی کرکٹرز نے جیت کا جشن بھی منفرد انداز میں مناتے ہوئے پش اپس لگائے اور سیریز سے قبل کاکول اکیڈمی میں فٹنس کی بہتری کیلیے شاندار ٹریننگ کروانے والے فوجی ٹرینرز کو سیلیوٹ بھی پیش کیا،آج سے اسی تاریخی میدان پر شروع ہونے والے ٹیسٹ میچ میں صورتحال مختلف ہے۔

پاکستان کو مصباح الحق کی ریٹائرمنٹ کے بعد نئے کپتان سرفرازاحمد کی خدمات میسر ہیں،اپنی کارکردگی کیساتھ نوجوانوں کا حوصلہ بڑھانے والے سینئر بیٹسمین یونس خان بھی موجود نہیں،گوروں کو چکراکر رکھ دینے والے لیگ اسپنر یاسر شاہ بھی فٹنس مسائل کی وجہ سے اسکواڈ کے ہمراہ نہیں آسکے۔

پاکستان کی جانب سے امام الحق اور فہیم اشرف کا تو آئرلینڈ کیخلاف ڈیبیو ہوا، بابر اعظم، شاداب خان، حارث سہیل، محمد عباس اور موقع ملا تو حسن علی پہلی بار اس تاریخی میدان پر ٹیسٹ کرکٹ میں اپنی صلاحیتوں کے جوہر دکھائیں گے۔

کپتان سرفراز احمد، اظہر علی، اسد شفیق، محمد عامر اور راحت علی 2سال قبل بھی لارڈز میں کھیل چکے، فٹنس پر شکوک کے باوجود محمد عامر پیس اور سوئنگ کے امتزاج سے بیٹسمینوں کیلیے مشکلات پیدا کرسکتے ہیں،محمد عباس آئرلینڈ کیخلاف میچ میں اپنی افادیت ثابت کرچکے۔

حسن علی یا راحت علی میں سے جوبھی کھیلا اس سے اچھی سپورٹ کی توقعات ہونگی، فہیم اشرف اضافی پیسر کی ضرورت پوری کرنے کیساتھ پر اعتماد بیٹنگ بھی کرلیتے ہیں، شاداب خان حیران کن کارکردگی پیش کرنے کی صلاحیت رکھتے ہیں،بیٹنگ ایک اضافی خوبی ہے،اصل خدشہ ٹاپ آرڈر کی ناکامی کا ہے۔

امام الحق ٹور میچ کے بعد آئرلینڈ کیخلاف ٹیسٹ میں بھی دباؤ میں اچھی اننگز کھیل اپنی اہلیت ثابت کرنے میں کامیاب ہوئے، اظہر علی نے بھی لیسٹر شائر کیخلاف اچھی اننگز کھیلی، بابر اعظم بھی ٹیسٹ فارم میں واپسی کا اشارہ دے چکے،اسد شفیق اور حارث سہیل تکنیکی طور پر مضبوط ہونے کی وجہ سے سوئنگ بولنگ کو زیادہ بہتر انداز میں کھیلنے کی صلاحیت رکھتے ہیں۔

سرفراز احمد کی ناقص فارم ٹیم کیلیے اچھی خبر نہیں ہے،تجربہ کار انگلش پیس بیٹری کا مہمان کرکٹرز نے مردانہ وار مقابلہ کرتے ہوئے ابتدائی وار جھیل لیے تو اعتماد کا یہ سفر انہیں فتح کی منزل تک پہنچا سکتا ہے،ناتجربہ کاری کے باوجود پاکستان ٹیم 2016 کی یادیں تازہ کرنے کا عزم لیے میدان میں اترے گی، نئے پلیئرز کی کوشش ہوگی کہ لارڈز میں سنچری یا 5وکٹوں کیساتھ آنر بورڈ پر اپنا نام درج کرالیں۔

کپتان سرفراز احمد کا کہنا ہے کہ حسن علی ہماری ترجیح ہوں گے، البتہ اس بات کا انحصار ان کی فٹنس اور پریکٹس سیشن میں بولنگ کارکردگی پر منحصر ہے،اگر ضروری ہوا تو صبح صورتحال دیکھ کر انہیں کھلانے کا فیصلہ کریں گے۔ لندن میں میڈیا سے بات کرتے ہوئے انھوں نے کہا کہ کھلاڑیوں کا تجربہ کم لیکن صلاحیتیں زیادہ ہیں، ان کو بروئے کار لاتے ہوئے سیریز میں کامیابی حاصل کرینگے۔

ایک نوجوان ٹیم کے ساتھ لارڈز میں انگلینڈ سے مقابلہ کر نے جا رہے ہیں، صرف 4 کھلاڑی محمد عامر، اظہر علی، اسد شفیق اور وہ خود اس سے پہلے یہاں ٹیسٹ کھیلے ہیں، البتہ اس بات سے قطع نظر اچھی اور مثبت کرکٹ کھیل کر یہاں سے واپس جانا چاہیں گے۔

سرفراز نے کہا کہ میزبان انگلش ٹیم ہوم گراؤنڈز پر مضبوط اور اس کو تجربہ کار کھلاڑیوں کی خدمات بھی حاصل ہیں، تاہم حالیہ دنوں میں اس کی پرفارمنس اچھی نہیں رہی،اس کمزوری کا فائدہ اٹھائیں گے۔امام الحق نے مشکل حالات میں اچھی اننگز کھیلی،اظہر علی،اسد شفیق اور خود مجھے بھی بیٹنگ کا بوجھ اٹھانا ہے۔

کھلاڑیوں سے کہا کہ انگلش بولرز کی تجربہ کاری کو سرپر سوار کرنے کے بجائے بے خوف ہوکر کھیلیں،یاسر شاہ کی کمی پوری کرنے کیلیے شاداب خان کیساتھ پیسر فہیم اشرف کی صورت میں پانچواں بولر بھی میسر ہوگا،امید ہے کہ میزبان ٹیم کو دباؤ میں لانے میں کامیاب ہوجائیں گے۔

انگلینڈ کو لارڈز میں ہرانے سے متعلق پوچھے گئے سوال پر سرفراز احمد کا کہنا تھا کہ ممکن ہے تاہم شکست کا کڑوا گھونٹ بھی ہمیں پینا پڑسکتا ہے جو کھیل کا حصہ ہے، البتہ بطور کپتان میری خواہش ہے کہ ہماری ٹیم اچھی کرکٹ کھیلے۔

The post پاکستان یادگار کارکردگی دہرانے کیلیے بے قرار، لارڈز ٹیسٹ کا آغاز آج ہوگا appeared first on i14 News.

Powered by WPeMatico

اسرائیل کے حماس کے دفاتر پر متعدد فضائی حملے

اسرائیل ایئر فورس نے فلسطینی تنظیم حماس کے دفاتر کو فضائی حملے کر کے تباہ کردیا۔

غیر ملکی خبررساں ادارے کے مطابق اسرائیلی کے جنگی طیاروں نے غزہ پٹی کے علاقے میں فلسطینی تنظیم حماس کے متعدد ٹھکانوں کو نشانہ بنایا تاہم اس کارروائی میں کسی قسم کے جانی نقصان کی اطلاع موصول نہیں ہوئی۔ اسرائیل کی فضائیہ نے حماس کے کُل تین مراکز کو نشانہ بنایا۔

اسرائیلی فوج نے دعوی کیا ہے کہ حماس کے کارکنان نے غزہ کی سرحد پار کرکے اسرائیل فوج کی ایک خالی چوکی کو نذر آتش کردیا تھا جس کے بعد اسرائیلی فضائیہ نے حماس کے ایک زیر زمین مرکز اور دیگر دو عسکری مراکز کو نشانہ بنایا۔ حماس نے اسرائیلی فوج کے دعوی کو بے بنیاد اور لغو قرار دیتے ہوئے کہا ہے کہ اسرائیل جھوٹے الزام لگا کر غزہ میں اپنی جارحیت کا جواز پیش کرنا چاہتا ہے۔

واضح رہے کہ 30 مارچ سے جاری فلسطینیوں کے احتجاج میں امریکی سفارت خانے کی تل ابیب سے مقبوضہ بیت المقدس منتقلی کے دن سے مزید تیزی آگئی ہے اور ہزاروں نوجوان، بزرگ اور خواتین اسرائیلی جارحیت کے خلاف سراپا احتجاج ہیں جنہیں اسرائیلی گوج کی براہ راست گولیوں کا سامنا ہے۔

The post اسرائیل کے حماس کے دفاتر پر متعدد فضائی حملے appeared first on i14 News.

Powered by WPeMatico

دمشق میں شامی فوج کے مکمل کنٹرول کے دعوی کے باوجود جھڑپیں جاری

شام میں اتحادی فوج کے دارالحکومت پر مکمل کنٹرول کے دعوے کے بعد باوجود جھڑپیں جاری ہیں جس کے نتیجے میں 26 شامی فوجی اہلکار ہلاک ہو گئے۔

بین الاقوامی خبر رساں ادارے کے مطابق شام کی سرکاری فوج نے اتحادی افواج کے تعاون سے دارالحکومت دمشق کے کچھ حصے پر قابض جنگجوؤں کو ہتھیار ڈالنے پر مجبور کردیا ہے جس کے بعد دمشق کا مکمل کنٹرول بشارالاسد حکومت کے پاس آگیا ہے۔ دمشق کے کنٹرول کے لیے حتمی جھڑپ 21 اور 22 مئی کی درمیانی شب ہوئی جس میں شامی فوج کو بھاری نقصان اُٹھانا پڑا۔

دوسری جانب دمشق میں مکمل کنٹرول حاصل کرنے کے سرکاری دعوے کے باوجود گزشتہ روز جنگجوؤں نے پالميرا کے علاقے میں فوجی چیک پوسٹ پر حملہ کرکے 26 اہلکاروں کو قتل کردیا جب کے جوابی کارروائی میں 6 جنگجوؤں کے ہلاکت کی اطلاعات بھی ہیں۔اتحادی افواج نے جنگجوؤں کے ٹھکانوں پر حملے کیے اور دوطرفہ فائرنگ کا سلسلہ جاری ہے۔

واضح رہے کہ شام میں 2011 سے جاری خانہ جنگی میں چار لاکھ سے زائد افراد ہلاک اور 11 ملین افراد بے گھر ہو چکے ہیں۔ اتحادی افواج اور جنگجوؤں کے درمیان جھڑپوں میں معصوم بچوں، خواتین اور بزرگوں سمیت عام افراد بھی لقمہ اجل بن گئے۔ فضائی بمباری کے نتیجے میں بچوں کی ہلاکتوں نے دنیا بھر میں کہرام مچادیا تھا۔

The post دمشق میں شامی فوج کے مکمل کنٹرول کے دعوی کے باوجود جھڑپیں جاری appeared first on i14 News.

Powered by WPeMatico

شمالی کوریا کے سربراہ سے ملاقات شرائط پرعمل درآمد سے مشروط ہے، ڈونلڈ ٹرمپ

امریکی صدر ڈونلڈ ٹرمپ نے کہا ہے کہ اگر ہماری شرائط پر عمل نہ کیا گیا تو آئندہ ماہ شمالی کوریا کے رہنما سے ہونے والی ملاقات کے امکانات ناہونے کے برابر ہیں۔

بین الاقوامی خبر رساں ادارے کے مطابق وائٹ ہاؤس میں جنوبی کوریا کے صدر مون جائے اِن سے ملاقات کے بعد صحافیوں سے بات چیت کرتے ہوئے امریکی صدر ڈونلڈ ٹرمپ نے شمالی کوریا کے سربراہ کم جونگ اُن سے ملاقات منسوخ کرنے کا عندیہ دیا ہے۔

امریکی صدر نے کہا کہ ملاقات سے قبل شمالی کوریا کو کچھ شرائط پر عمل کرنا ہو گا اگر ایسا نہیں ہوا تو ملاقات بھی نہیں ہو گی البتہ یہ ضرور ہوسکتا ہے کہ ملاقات پھر کبھی ہو جائے لیکن طے شدہ ملاقات کلی طور پر شرائط پر عمل درآمد سے مشروط ہے۔ دوسری جانب شمالی کوریا کے سربراہم کم جونگ اُن کا کہنا تھا کہ اگر امریکا نے یک طرفہ طور پر جوہری ہتھیاروں سے دستبردار ہونے پر اصرار کیا تو وہ یہ ملاقات منسوخ کر دے گا۔

واضح رہے کہ امریکی صدر اور شمالی کوریا کے صدر کے درمیان ملاقات 12 جون کو سنگاپور میں طے پائی تھی جس کے لیے دونوں ممالک کے سفارت کاروں اور دفتر خارجہ کے اراکین نے ملاقات کے وقت، مقام اور ایجنڈے کو درجنوں ملاقات کے بعد حتمی شکل دی تھی۔ شمالی کوریا نے خیر سگالی کے طور پر رواں ہفتے ایک جوہری تنصیب کو ختم کرنا تھا لیکن خراب موسم کے باعث یہ کارروائی تاخیر کا شکار ہوئی ہے۔

The post شمالی کوریا کے سربراہ سے ملاقات شرائط پرعمل درآمد سے مشروط ہے، ڈونلڈ ٹرمپ appeared first on i14 News.

Powered by WPeMatico